The following is my transcription of a Latin translation of the Sepher Yetzirah, or Book of Formation, placed between a reprint of Arcangelo of Borgonovo’s Cabalistarum Selectiora Dogmata and Reuchlin’s De Verbo Mirifico in Johannes Pistorius’ compendium Ars Cabalistica (1587). This version is not attributed to any specific translator, and appears to represent a Latin reworking of the traditional Hebrew text filtered through the lens of Christian Cabalism. It preserves many elements of the original structure but also departs at several points from known Hebrew recensions. All abbreviations have been silently expanded, and orthography has been regularized while preserving the early modern character of the text. No corrections to grammar or syntax have been introduced unless explicitly noted. I have, however, made some minor changes to the punctuation in certain instances where I felt necessary (e.g., excessive use of colons where semicolons and periods were preferable). Hebrew words appearing in the Latin text are preserved as printed (e.g., Sphiroth vs. Sephiroth; Emes), and where necessary, words appearing in Hebrew characters are accompanied by transliterations for clarity. Please let me know if you come across any mistakes, oversights, infelicities, etc.
Dan Attrell,
April 2025
[869]
LIBER DE CREATIONE,
CABALISTINIS, HEBRAICE
SEPHER IEZIRA, AUTHORE
Abrahamo.
Successive filiis ore traditus. Hinc iam rebus Israël inclinatis, ne deficeret, per sapientes Hierusalem, arcanis et profundissimis sensibus litteris commendatus.
CAPITULUM PRIMUM.
Triginta duabus viis scientiae, maxime mirabilibus et occultis, יה Deus צבאות [Iah Deus Tzeva’ot] sculpsit nomen suum. Creavit Mundum tribus libris videlicet: סֵפֶר [sepher], סֹפֵר [sofer], סִפּוּר [sippur]. Id est, scriptis, numeratis, pronunciatis. Decem Sphiroth: id est, decem proprietates, praeter id quod est ineffabile, et viginti duas literas. Fundamenta sunt: tres matres, septem duplices, duodecim simplices. Decem Sphiroth, praeter ineffabile: numerus decem digitorum, videlicet, quinque contra quinque, et pactum, superlative unius intentum in medio. In interpretatione linguae et circumcisionis: Decem Sephiroth absque ineffabili. Decem et non novem. Decem et non undecim. Intellige in scientia et sapias intelligentia: experire in illis, et investiga illa, et nota, et cogita, et imaginare, et statue rem in integritate sua, et fac sedere creatorem in throno suo. Decem Sephiroth praeter ineffabile, proprietates illorum decem infinitae. Profundum primum: profundum ultimum: profundum bonum: profundum malum: profundum superius: profundum inferius: profundum orientale: profundum occidentale: profundum septentrionale: profundum meridionale: et Dominus superlative unus, Rex fidelis ex throno suo dominatur omnibus in saecula saeculorum. Decem Sephiroth praeter ineffabile: quorum intuitus sicut flammae scintillantes: et finis illorum est infinitus, verbisque Dei in illa egredientibus et revertentibus dictum divinum ut turbo statim sequuntur et ante ipsius thronum inclinantur. Decem Sephiroth praeter ineffabile. Fige finem eorum in principio sicut flammam prunae coniunctam, quia Dominus est superlative unus: et non tenet secundum. Et ante unum quid potes numerare? Decem Sphiroth praeter ineffabile. Compesce labia et meditationem: et si cor tuum labitur, redi ad locum. Ideo scriptum est: Egredere et regredere, et propterea pactum praecisum est: Decem Sephiroth praeter ineffabile.
Unum] est Spiritus Dei vivi benedictum et plusquam benedictum nomen eius viventis Dei saeculi: Vox spiritus et verbum et hic est Spiritus sanctus.
Duo] et spiritus ex spiritu. Et sculpsit et incidit cum illo viginti duas Literas. Tres Matres [i.e., Aleph א, Mem מ, and Shin ש]. Septem duplices [i.e., Bet ב, Gimel ג, Dalet ד, Kaf כ, Pe פ, Resh ר, and Tav ת], et duodecim simplices [i.e., He ה, Vav ו, Zayin ז, Chet ח, Tet ט, Yod י, Lamed ל, Nun נ, Samekh ס, Ayin ע, Tsade צ, and Qof ק], et quaelibet illarum est spiritus.
Tres] Aqua de spiritu: et sculpsit et incidit cum illis inane et vacuum et coenum et lutum et fecit sicut cumulum frumenti et statuam rectam ut murum et interfecuit sicut iuncturas trabium.
Quatuor] ignis ex aqua: et cum illis sculpsit thronum honoris Ophanin, Seraphin, animalia Sancta, et angelos ministrantes, et ex dominatione eorum fundavit atrium suum ut ait textus: Qui facit angelos suos, spiritus, ministros suos, ignem coruscantem [Psalm 104:4].
Quinque] sigillavit superius et suspexit: sigillavit cum י ה ו [Yod י, He ה, Vav ו].
Sex] sigillavit inferius et despexit: et sigillavit cum י ו ה [Yod י, Vav ו, He ה].
Septem] sigillavit oriens et antespexit et sigillavit cum ה י ו [He ה, Yod י, Vav ו].
Octo] sigillavit occidens et retrospexit et sigillavit cum ו ה י [Vav ו, He ה, Yod י].
Novem] sigillavit meridiem, respexit a dextra et sigillavit cum ו י ה [Vav ו, Yod י, He ה].
Haec [870] sunt Decem ineffabilia, Spiritus Dei vivi, Aer, Aqua, Ignis, Sursum, Deorsum, Oriens, Occidens, Septentrio, Meridies.
CAPITULUM SECUNDUM.
Viginti duae Literae, Fundamenta, Tres matres: Septem duplices: Duodecim simplices: Tres matres, Emes: id est, aer, aqua, et ignis. Aqua quieta, ignis sibilans, aer spiritus, Oc הק: id est, examinis medius. Viginti duas literas sculpsit, ponderavit, transmutavit, composuit, et creavit cum illis omnem animam creatam et creandam. Viginti duae literae sunt sculptae in voce, incisae in spiritu, collocatae in prolatione, in quinque locis. In gutture, in palato, in lingua, in dentibus, in labiis. Viginti duae literae, Fundamenta, collocatae in sphaera cum Ianuis ducentis triginta et una. Sphaera directe rotata, bonum significat. Retrograda econverso. Ponderavit scilicet Aleph cum omnibus, et omnia cum Aleph, et sic de singulis. Ita rotando singulas per omnes, resultant Ianuae ducentae triginta et una. Et omnia idiomata et omnis creatura ex illis et inane de inani, et de nihilo fecit aliquid: et excidit columnas ingentes in concavo orbis, et aere non comprehensibili: et signum huius rei, viginti duo iotalia et unum corpus.
CAPITULUM TERTIUM.
Tres Matres Emes אמש fundamenta illorum. Statera procurationis, et statera contradictionis, et lingua och הק examinis stat media. Tres matres Emes. Secretum magnum, maxime mirabile et occultissimum, sex annulis sigillatum, et ex eis exeunt ignis, aqua et aer, quae dividuntur in mares et foeminas. Tres matres Emes, et ex illis tres patres, cum his omnia creata sunt. Tres matres Emes in Mundo: aer, aqua et ignis. Principio coeli ex igne creati sunt, terra ex aqua, et aer creatus est ex spiritu, qui stat medius. Tres matres Emes in Anno: calidum, frigidum, et temperatum. Calidum ex igne est creatum; frigidum ex aqua; et temperatum ex spiritu, medium in illis. Tres matres Emes in Homine: caput, venter, corpus. Caput ex igne creatum; venter ex aqua; corpus horum medium ex spiritu. Tres matres Emes. Sculpsit, incidit, composuit, et cum creatae sunt tres matres in mundo, tres matres in anno, tres matres in homine: mares et foeminae. Regnare fecit Aleph in spiritu, et devinxit nodo, et aliam cum alia composuit, et cum illis sigillavit aërem in Mundo, temperiem in anno, et corpus in homine, mares et foeminas. Mares in Emes: id est, in aëre, aqua, et igne. Foeminas in Asam: id est, in aëre, igne, et aqua. Fecit regnare Mem in aqua, et devinxit nodo, et aliam cum alia composuit, et cum illis sigillavit terram in Mundo, frigidum in anno, fructum ventris in homine, mares et foeminas. Fecit regnare ש Sin in igne, et devinxit nodo, et aliam cum alia composuit, et sigillavit cum illis coelos in Mundo, calidum in anno, et caput in homine, mares et foeminas.
CAPITULUM QUARTUM.
Septem duplices בגדכפרת: syllabarum fundamenta: Vita, Pax, Scientia, Divitiae, Gratia, Semen, Dominatio. Duplices quia convertuntur in opposita: loco Vitae est mors, Pacis bellum, Scientiae ignorantia, Divitiarum paupertas, Gratiae abominatio, Seminis sterilitas, Dominationis servitus. Septem duplices contra septem extrema: Oriens, Occidens, Sursum, Deorsum, Septentrio, Meridies. Et sanctum palatium est intentum in medio et sustinet omnia. Septem duplices sculpsit, inci[871]dit, composuit, et creavit cum illis stellas in Mundo. Dies in anno, et portas in homine, et ex illis sculpsit septem Coelos, septem climata, septem animalia, ab opere vacantia. Et ideo elegit septimum sub coelo. Duae petrae aedificant duas domos: tres aedificant sex; quatuor septingentas et viginti septem; Quinque millenas et quadraginta. Et hinc progreditur numerus inenarrabilis et inauditus. Et hae sunt stellae in Mundo: Sol, Venus, Mercurius, Luna, Saturnus, Iupiter, Mars. Et hae sunt dies in anno, septem dies creationis; et hae sunt portae in homine, videlicet duo oculi, duae aures, duae nares, et os.
CAPITULUM QUINTUM.
Duodecim simplices הוזחטילנסעצק. Fundamenta illarum: visus, auditus, odoratus, locutio, commestio, coitus, opus, ambulatio, ira, risus, cogitatio, somnus. Mensura illarum: duodecim termini orbis. Terminus 1 oriens Septentrionalis; terminus oriens 2 meridionalis; terminus oriens 3 superior; terminus oriens 4 inferior; terminus occidens 5 septentrionalis; terminus occidens 6 meridionalis; terminus occidens 7 superior; terminus occidens 8 inferior; terminus meridionalis 9 superior et inferior; terminus 10 septentrionalis superior et inferior, etc. Isti propagantur et progrediuntur in saecula saeculorum, et sunt orbis brachia.
Duodecim simplices sculpsit, incidit, composuit, ponderavit, et transmutavit, et creavit cum illis duodecim signa in orbe: videlicet Arietem, Taurum, [Geminos, Cancrum, Leonem, Virginem, Libram, Scorpionem, Sagittarium, Capricornum, Aquarium, et Pisces]. Et duodecim menses in anno. Et hae sunt duodecim gubernatrices hominis: videlicet, manus 1 dextra et 2 sinistra, 3 pes 4 uterque, 5 renes 6, 7 iecur, 8 fel, 9 splen, 10 colon, 11 coagulum, et 12 ventriculus. Tres matres, septem duplices, duodecim simplices. Sunt xxii literae cum quibus יהוה Tetragrammaton: id est, Deus noster Zabaoth, Deus Israel sublimis, excelsus, sedens in saecula, et sanctum nomen eius creavit tres patres et descendentes ex illis, et septem coelos cum exercitibus suis et xii terminos orbis. Probatio horum, fidele testimonium, orbis, annus, et homo. Astrinxit testimonia et sculpsit tres, septem, et duodecim. Et duodecim signa et duces in teli, et sphaera, et corde. Tres: ignem, aquam, et aërem. Ignem superius, aquam inferius, et aërem in medio. Cuius signum est quod aër est particeps utriusque. Teli, id est, intelligentia in Mundo, sphaera in anno, et cor in homine. Tres: ignis, aqua, et aër. Ignis superior, aqua inferior, aër in medio. Et signum horum est quod aër particeps utriusque. Teli in orbe, sicut Rex in solio suo; Sphaera in anno, sicut Rex in civitate; cor in homine, sicut Rex in bello. Et his opposita fecit Deus, bonum et malum: bonum de bono et malum de malo. Bonum probat malum, et malum bonum. Bonum reservatur iustis, malum impiis. Et tribus unum stat separatum. Septem partibus insunt duo ternaria, in quorum medio stat unum. Duodecim stant in bello: tres amici, tres inimici; tres vivi vivificant, tres occidunt. Et Deus Rex fidelis ex sua sanctitatis atrio dominatur omnibus. Unus super tres, et tres super septem, et septem super duodecim. Et omnes sunt stipati alius cum alio postquam Abraham pater noster vidit, respexit, investigavit, intellexit, sculpsit, incidit, et composuit, statim adeptus est [872] creaturam in manibus. Tunc illi se aperuit omnium Dominus, fecitque sedere et osculatus est caput illius, et ex nomine suo nuncupans amicum suum appellavit, et cum illo et semine eius pepigit foedus in saeculum, ut scriptum est: Credidit Deo, et reputatum est ei ad iusticiam. Pepigit inter digitos pedum foedus, circumcisionem, et pepigit inter digitos manuum suarum foedus linguae. Ligavit xxii literas in lingua sua, et Deus aperuit secretum suum. Tranat per aquam, accendit in igne, grandine signavit in aëre. Disposuit cum septem et gubernavit cum duodecim.
ABRAHAMI, DE CREATIONE,
Cabalistinis, Libri
FINIS.
The Modern Hermeticist 